മുപ്പത്തിരണ്ടു വര്‍ഷം
മുപ്പതു പേര്‍ക്കെങ്കിലും
ദിവസേന വടിവൊത്ത്
കോപ്പിയിലെ ആദ്യ വരി
എഴുതിക്കൊടുത്തിട്ടും
സൌദാമിനി ടീച്ചറുടെ കയ്യക്ഷരം
ഇതുവരെ നന്നായില്ല.

ക്ലാസിലിരുന്ന് ഉറങ്ങിപ്പോയ
കുട്ടിയെ വെളിയില്‍
വെയിലത്തു നിര്‍ത്തി
പഠിപ്പിച്ച ജോണിക്കുട്ടി മാസ്റ്റര്‍
രാത്രി കള്ളു‍ാപ്പിന്റെ മുമ്പിലെ മണ്ണില്‍
മഞ്ഞില്‍ കിടന്നുറങ്ങി.
നാളിതു വരെ സയന്‍സ് ക്ലാസില്‍
ഒരു കുഞ്ഞു പരീക്ഷണം പോലും
കാണിച്ചിട്ടില്ലാത്ത ശശി മാഷ്
അലമാരയില്‍ നിന്നും പരീക്ഷണ
സാമഗ്രികള്‍ എടുക്കാന്‍
ശാലിനി ടീച്ചറെ എപ്പോഴും
സഹായിക്കാറുണ്ടായിരുന്നു.
ആരോഗ്യ സംരക്ഷണത്തില്‍
നട്ത്തത്തിനുള്ള പ്രാധാന്യം
ഇടയ്ക്കിടയ്ക്ക് ഓര്‍മ്മിപ്പിക്കാറുള്ള
താടിക്കാരന്‍ സഹദേവന്‍
ബൈക്ക് ചീത്തയായ ദിവസം
സ്ക്കൂളിലേ വന്നില്ല
നോട്ടു ബുക്കില്‍ പ്രേമലേഖനം
സൂക്ഷിച്ച പെണ്‍കുട്ടിയെ
അസംബ്ലിയില്‍ നിര്‍ത്തിപ്പൊരിച്ച
കമലാക്ഷി ടീച്ചര്‍
രണ്ടു കെട്ടിയവന്റെ കൂടെ
അന്നു രാത്രി
ഒളിച്ചോടിപ്പോയി
ഡ്രില്‍ മാഷ് ശ്രീശുവിന്
വെയിലത്തിറങ്ങിയാലും
സംഗീതം ടീച്ചര്‍ രേവമ്മയ്ക്ക്
പാട്ടു പാടിയാലും
മാറുന്നില്ലൊരിക്കലും
മാറാത്ത തൊണ്ടവേദന
ഗോവാലന്‍ മാസ്റ്ററുടെ
തോള്‍സഞ്ചിയില്‍
പാര്‍ട്ടി മിനിറ്റ്സിനോടൊപ്പം
കെട്ടിപ്പിടിച്ചുറങ്ങുന്ന
ടീച്ചിംഗ് മാന്വലിന്
തന്റെ കന്യകാത്വം
നഷ്ടപ്പെടാത്തതിന്റെ
പരിഭവം മാത്രം!
പിന്നൊരാളുണ്ടായിരുന്നു
സദാ സമയവും
പഠിപ്പിച്ചു കൊണ്ടിരുന്ന
പഠിപ്പിസ്റ്റ് വാസു
അയാളെ കുട്ടികള്‍ക്കു
കണ്ടുകൂടായിരുന്നു
ഞങ്ങള്‍ക്കും
കണ്ടുകൂടായിരുന്നു!!

കുറുമുന്നണി

ഒരു കാട്ടില്‍ പല വിധത്തിലുമുള്ള മൃഗങ്ങള്‍ ഉണ്ടായിരുന്നു. പണ്ടുകാലത്ത് സിംഹമാണ് അവിടം ഭരിച്ചിരുന്നത്. എന്നാല്‍ ക്രമേണ രാജഭരണം അവസാനിക്കുകയുംമൃഗാധിപത്യം വരികയും ചെയ്തു.
പോത്തുകളും കഴുതകളും മൂര്‍ഖന്മാരും ഹൈനകളും ഒരു മുന്നണി.
കീരികളും മുതലകളുംകണ്ടാമൃഗങ്ങളും ഞാഞ്ഞൂലുകളും ചേര്‍ന്ന എതിര്‍ മുന്നണി.
കാട് വെളുപ്പിക്കുന്ന കാര്യത്തിലൊഴിച്ച് ഒന്നിലും ഇവര്‍ സഹകരിക്കാറില്ല എന്നു മാത്രമല്ല ഒരു കൂട്ടര്‍ അബദ്ധവശാല്‍ എന്തെങ്കിലും നല്ല കാര്യം ചെയ്യാമെന്നു വെച്ചാല്‍ മറ്റെക്കൂട്ടര്‍ ഒരു കാരണവശാലും അത് സമ്മതിക്കുകയുമില്ല.
കുഴുതയാണ് നേതാവും ഭരണകര്‍ത്താവുമെങ്കിലും പോത്തുകളാണ് എല്ലാം നിയന്ത്രിക്കുന്നത്.പ്രധാനപ്പെട്ട വകുപ്പുകളെല്ലാം അവരുടെ കയ്യിലാണു താനും.
മൂര്‍ഖന്മാര്‍ ഇടയ്ക്കിടയ്ക്ക് ഫണമുയര്‍ത്തിക്കാട്ടി കഴുതയെ പേടിപ്പിക്കും. സഹികെട്ട കഴുത പോത്തുകളുടെ സഹായത്തോടെ ആരുമറിയാതെ മൂര്‍ഖന്റെ വിഷപ്പല്ലൂരിീയെറിഞ്ഞു

കീരികള്‍ ഭരണം കാട്ടാതെ ഗതിയില്ലാ പ്രേതങ്ങളായി അലയുകയാണ്. അപ്പോഴാണ് പോത്തുകളുടേയും കഴുതകളുടേയും മറ്റും അഴിമതിക്കഥകള്‍ പുറത്തു വരാന്‍ തുടങ്ങിയത്.

അഴിമതി എന്ന വിഷം കാടാകെ ഗ്രസിച്ചിരിക്കുന്നു. അതിനെതിരെ പ്രതിഷേധ സമരം നടത്താന്‍ കീരികളുടെ നേതൃത്ത്വത്തില്‍ തീരുമാനമായി. കാട്ടിലെ ഭരണ കാര്യാലയത്തിനു മുമ്പില്‍ ധര്‍ണ തുടങ്ങി. സമരപ്പന്തലിലേക്ക് മൂര്‍ഖനും കുട്ടിയും ഇഴഞ്ഞു ചെന്നു. തന്റെ ആജന്മ ശത്രുവായ മൂര്‍ഖനെ കണ്ടപ്പോള്‍ ആദ്യം കീരി നേതാവ് ഒന്നമ്പരന്നു. പിന്നെ ചെറു ചിരിയോടെ അടുത്ത് ചേര്‍ത്തു നിര്‍ത്തി ചെവിയില്‍ ചോദിച്ചു.
നീ വിഷ ജീവിയാണ് . എന്നെ കടിക്കുമോ?
മൂര്‍ഖന്‍ മറ്റുള്ള കീരികളും മുതലകളും കേള്‍ക്കാതെ പതുക്കെപ്പറഞ്ഞു
എന്റെ വിഷപ്പല്ല് ആ കഴുത പറിച്ചു കളഞ്ഞു. എനിക്കിനി കടിക്കുന്നതായി അഭിനയിക്കാനെ കഴിയൂ. അല്ലെങ്കില്‍ മോനെക്കൊണ്ട് കടിപ്പിക്കണം
കീരി നേതാവ് ആശ്വാസത്തോടെ നിവര്‍ന്നിരുന്നു.
അപ്പോള്‍ മൂര്‍ഖന്‍ തിരിച്ചു ചോദിച്ചു. അങ്ങ് ഈ സത്യമറിഞ്ഞ സ്ഥിതിക്ക് എന്ന കടിച്ച് മുറിച്ച് കൊന്നു കളയുമോ?
കീരിനേതാവ് ആത്മഗതമായി പറഞ്ഞു
അതിന് എന്റെ വായില്‍ ഒറ്റപ്പല്ലുണ്ടായിട്ടു വേണ്ടേ!

വാലന്റൈന്‍ ദിനം

ഇന്ന് വാലന്റൈന്‍ ദിനം, ആയിക്കോട്ടെ!
രണ്ടുമൂന്നാഴ്ച മുമ്പ്. സംസ്ഥാന യുവജനോത്സവം നടക്കുന്ന സമയം. ഞാന്‍ അതി രാവിലെ തന്നെ മേള നഗരിയിലേക്കു പോവുകയാണ്. വീട്ടില്‍ നിന്ന് പുലര്‍ച്ചെ പുറപ്പെട്ടു. 7 മണിക്ക് കൊയിലാണ്ടിയില്‍ എത്തി. ഇരുന്നു പോകാമെന്നു കരുതി ലൈന്‍ബസ്സിലാണ് പോവുന്നത്. ഡ്രൈവര്‍ക്കു വണ്ടി ഓടിക്കുന്നതിലും താല്പര്യം നിര്‍ത്തിയിടുന്നതിലാണെന്ന് പെട്ടെന്ന് തന്നെ മനസ്സിലായി. എല്ലാ സ്റ്റോപ്പിലും സ്റ്റോപ്പില്ലാത്ത സ്ഥലത്തും നിര്‍ത്തും. ആളുകള്‍ കയറിയാലും ഇനി ആരെങ്കിലും വരുമെന്ന പ്രതീക്ഷയില്‍ കുറച്ചു കൂടി കാത്തിട്ടേ പോവൂ. കൂടുതലും സ്ക്കൂള്‍ കുട്ടികളാണ് കയറുന്നത്.
നാലഞ്ചു സ്റ്റോപ്പുകള്‍ കഴിഞ്ഞപ്പോഴാണ് അവള്‍ കയറി വന്നത്. വെളുത്തു മെലിഞ്ഞ് ഒരു വിദ്യാര്‍ഥിനി. പത്തിലോ പതിനൊന്നിലോ പന്ത്രണ്ടിലോ പഠിക്കുന്നവളായിരിക്കും. വലിയൊരു ബാഗും ചുമലിട്ട് അവള്‍ തിരക്കിന്നിടയിലൂടെ നുഴഞ്ഞുകയറി ഏതാണ് മധ്യ ഭാഗത്തിരിക്കുന്ന എന്റ അരികില്‍ വന്നു നിലയുറപ്പിച്ചു. പെട്ടെന്ന് അവള്‍ തോളത്തു നിന്നും ബാഗ് ഊരിയെടുത്ത് എന്റെ സമ്മതമോ അനുവാദമോ കൂടാതെ എന്റെ മടിയിലേക്കിട്ടു. ഹെന്റമ്മോ! ഒരു ഇരുപത് ഇരുപത്തഞ്ചു കിലോ ഭാരം വരും. എന്റെ കാലുകള്‍ ‍ഞെരിഞ്ഞമര്‍ന്നു പോയി.
ഞാനല്പം ദേഷ്യഭാവത്തില്‍ അവളെയൊന്നു നോക്കിയെങ്കിലും അവളതു കാര്യമാക്കിയില്ല.

അല്പ സമയം കഴിഞ്ഞപ്പോള്‍ അവളുടെ ഫോണ്‍ ബാഗില്‍ ശബ്ദിച്ചു. മെസേജു വന്ന ശബ്ദമാണ്. എന്റെ മടിയിലിരിക്കെത്തന്ന ബാഗാ തുറന്നു അവള്‍ ഫോണ്‍ കയ്യിലെടുത്തു. സാംസഗിന്റെ വിലകൂടിയ ഫോണ്‍. പിന്നീട് ഒരഭ്യാസ പ്രകടനമായിരുന്നു. രണ്ടു കയ്യും പിടി വിട്ട് സീറ്റില്‍ ചാരി നിന്ന് ഇരുപെരുവിരലും ധ്രുതഗതിയില്‍ ചലിപ്പിച്ച് മെസേജുകള്‍ പോയിക്കൊണ്ടിരുന്നു.എന്റെ കണ്‍മുമ്പില്‍ വെച്ചാണ് ടൈപ്പിംഗ്. ഇത്രയും വേഗത്തില്‍ മൊബൈലില്‍ ടൈപ്പ് ചെയ്യുന്നത് ഞാന്‍ ആദ്യമായി കാണുകയാണ്. ചെയ്യാന്‍ പാടില്ലാത്തതാണെങ്കിലും ഇടയ്ക്ക് ഞാന്‍ അതില്‍ നോക്കിക്കൊണ്ടിരുന്നു. അപ്പുറത്ത് ബോയ്ഫ്രണ്ടാണ്.
ബസ്സ് ഇഴയുകയാണ്. മിനിട്ടുകള്‍ മണിക്കൂറിലെത്താനായി. ബാഗിന്റെ ഭാരം എനിക്ക് അസഹ്യമായിത്തുടങ്ങിയിരിക്കുന്നു. ഞാന്‍ അപ്പീലിനു വന്നവരുടെ നീണ്ട ക്യൂ സ്വപ്നംകണ്ട് ഒന്നു മയങ്ങി. നഗരത്തിനടുത്തുള്ള ഒരു സ്റ്റോപ്പില്‍ ബസ്സു നിന്നു. അപ്പോഴും അവളുടെ നേര്‍ത്ത വിരലുകള്‍ കീബോര്‍ഡില്‍ സംഹാരതാണ്ഡവമാടുകയാമ്. പെട്ടെന്ന് എന്തോ ബോധോദയമുണ്ടായി അവള്‍ ഇഹലോകത്തിലേക്കു തിരിച്ചു വന്നു. ബസ്സ് ഇളകിത്തുടങ്ങിയിരുന്നു. അവള്‍ നിര്‍ദ്ദാക്ഷിണ്യം ബാഗ് മടിയില്‍ നിന്നും വലിച്ചെടുത്തു. ഇടതുതോളില്‍ബാഗും വലതു കയ്യില്‍ മൊബൈലുമായി റോഡിലേക്കു ചാടി വീണു. അതേ യൂനിഫോമിലുള്ള കൂട്ടുകാരികലുടെ ഇടയിലേക്ക് കൂടി.
ഇന്ന് ഈ വാലന്റൈന്‍ ദിനത്തില്‍ ആ കൊച്ചിന് എല്ലാ ഭാവുകങ്ങളും നേരുന്നു

android

ആൻഡ്രോയിഡ് ഫോണുകളിലെ അറിഞ്ഞിരിക്കേണ്ട ചില രഹസ്യ കോഡുകൾ

• 

ആൻഡ്രോയിഡിൻറെ സൗകര്യങ്ങളെ കുറിച്ച് ഒരു പരിധി വരെ എല്ലാവരും ബോധവാന്മാരാണ്. ഒരു ആൻഡ്രോയിഡ് ഫോണെങ്കിലും ഇല്ലാത്ത വീടുകൾ ഇപ്പോൾ വളരെ ചുരുക്കമാണ്. എന്നാൽ ആൻഡ്രോയിഡിന് ചില രഹസ്യ കോഡുകൾ ഉണ്ട്. ഇവ പലർക്കും അറിയില്ല. ആൻഡ്രോയിഡിലെ ഈ രഹസ്യ കോഡുകൾ നിങ്ങളുടെ പല ആവശ്യങ്ങൾക്കും ഉപയോഗപ്പെടുത്താവുന്നവയാണ്. ആ രഹസ്യ കോഡുകൾ എങ്ങനെ ഉപയോഗപ്പെടുത്താമെന്ന് ഇതാ താഴെ കൊടുക്കുന്നു.
–

Code	Description
*#*#4636#*#*	Display information about Phone, Battery and Usage statistics
*#*#7780#*#*	Restting your phone to factory state-Only deletes application data and applications
*#*#273283*255*663282*#*#*	For a quick backup to all your media files
*#*#7594#*#*	Changing the power button behavior-Enables direct poweroff once the code enabled
*#*#34971539#*#*	Shows completes information about the camera
*2767*3855#	It’s a complete wiping of your mobile also it reinstalls the phones firmware
*#*#197328640#*#*	Enabling test mode for service activity
*#*#232339#*#* OR *#*#526#*#*	Wireless Lan Tests
*#*#232338#*#*	Displays Wi-Fi Mac-address
*#*#1472365#*#*	For a quick GPS test
*#*#1575#*#*	A Different type GPS test
*#*#0283#*#*	Packet Loopback test
*#*#0*#*#*	LCD display test
*#*#0673#*#* OR *#*#0289#*#*	Audio test
*#*#0842#*#*	Vibration and Backlight test
*#*#2663#*#*	Displays touch-screen version
*#*#2664#*#*	Touch-Screen test
*#*#0588#*#*	Proximity sensor test
*#*#3264#*#*	Ram version
*#*#232331#*#*	Bluetooth test
*#*#7262626#*#*	Field test
*#*#232337#*#	Displays bluetooth device address
*#*#8255#*#*	For Google Talk service monitoring
*#*#4986*2650468#*#*	PDA, Phone, Hardware, RF Call Date firmware info
*#*#1234#*#*	PDA and Phone firmware info
*#*#1111#*#*	FTA Software version
*#*#2222#*#*	FTA Hardware verion
*#*#44336#*#*	Displays Build time and change list number
*#06#	Displsys IMEI number
*#*#8351#*#*	Enables voice dialing logging mode
*#*#8350#*#*	Disables voice dialing logging mode
##778 (+call)	Brings up Epst menu

 

കൊച്ചി: സ്‌കൂളില്‍ പഠിക്കുമ്പോള്‍ കണക്കു പിഴക്കാത്തവര്‍ കുറവായിരിക്കും. മറ്റു വിഷയങ്ങളില്‍ എത്ര തിളങ്ങിയാലും പലര്‍ക്കും കണക്കൊരു ബാലികേറാമലയായിരുന്നു. പക്ഷേ കാര്യങ്ങള്‍ മാറുകയാണ്. സ്‌കൂളിലെ കണക്ക് പഴയ കണക്കല്ല ഇപ്പോള്‍. പിള്ളേരുടെ 'ഗണിതശകുനം' മാറ്റാന്‍ എറണാകുളത്തെ രണ്ട് കണക്ക് അധ്യാപകര്‍ തുടക്കം കുറിച്ച ബ്ലോഗിലൂടെ സ്‌കൂള്‍ വിദ്യാര്‍ത്ഥികള്‍ക്കിടയിലും അധ്യാപകര്‍ക്കിടയിലും നിശബ്ദ വിപ്ലവം നടത്തുകയാണ് മാത്‌സ് ബ്ലോഗ് എന്ന സംരംഭം.

കണക്ക് പിഴക്കാതെ കോടി ഹിറ്റുമായി മുന്നേറുന്ന മാത്‌സ് ബ്ലോഗ് രൂപീകരിച്ചിട്ട് ഇന്നേക്ക് 1676 ദിവസങ്ങള്‍ മാത്രമേ ആയിട്ടുള്ളു.ബ്ലോഗിന് ഇന്നലെ വരെ ലഭിച്ച ഹിറ്റുകളുടെ എണ്ണം 2.18 കോടി കവിഞ്ഞു.

ശരാശരി അരലക്ഷത്തിലേറെ സന്ദര്‍ശനങ്ങള്‍ ലഭിക്കുന്ന മലയാള ബ്ലോഗുകളിലൊന്നാണിത്. ഗണിത പാഠങ്ങള്‍, പസിലുകള്‍, പരീക്ഷകളുടെ ഉത്തരസൂചികകള്‍, ടീച്ചിംങ് നോട്ടുകള്‍, വര്‍ക്ക് ഷീറ്റുകള്‍, പ്രസന്റേഷനുകള്‍ തുടങ്ങിയവയാണ് ബ്ലോഗിലൂടെ ലഭ്യമാക്കുന്നത്. ഗണിത രംഗത്തെ പുത്തന്‍ പ്രവണതകളെപ്പറ്റി കുട്ടികളെ അറിയിക്കുകയും അവരില്‍ പ്രചോദനമുണ്ടാക്കുകയുമാണ് ലക്ഷ്യം.

2009 ജനുവരി 31നാണ് കണക്കിലെ കാര്യങ്ങള്‍ മാത്രം ചര്‍ച്ച ചെയ്യുന്നതിനായി എറണാകുളം എടവനക്കാട് എസ്.ഡി.പി.വൈ.കെ.പി.എം.എച്ച്.എസിലെ അധ്യാപകനായ കെ.ജി ഹരികുമാറും എടവനക്കാട് ഹിദായത്തുല്‍ ഇസ്‌ലാം എച്ച്.എസ്.എസിലെ അധ്യാപകനായ വി.കെ നിസാറും ചേര്‍ന്ന് മാത്‌സ് ബ്ലോഗ് രൂപീകരിക്കുന്നത്.

ഐ.ടി അറ്റ് സ്‌കൂള്‍ പദ്ധതിയാണ് ബ്ലോഗ് തുടങ്ങാന്‍ ഇരുവര്‍ക്കും പ്രേരകമായത്. സംസ്ഥാനത്തെ ഭൂരിഭാഗം ഹൈസ്‌കൂളുകളിലും നാലു ജി.ബി. ബ്രോഡ്ബാന്റ് കണക്ഷനുകള്‍ വേണ്ടത്ര ഉപയോഗിക്കാതെ നിര്‍ജ്ജീവമായി കിടക്കുന്ന സമയമായിരുന്നു അത്. ഈ അവസ്ഥക്കൊരു മാറ്റം വേണമെന്ന ചിന്തയും മാത്‌സ് ബ്ലോഗെന്ന 'കണക്ക് വിപ്ലവത്തിന്റെ' പിറവിക്ക് കാരണമായി.

എറണാകുളത്തെ ഐടി കോര്‍ഡിനേറ്ററായിരുന്ന ജോസഫ് ആന്റണിയും മാസ്റ്റര്‍ െ്രെടനര്‍ ജയദേവനുമാണ് ഇരുവരെയും ഈ ആശയത്തിലേക്ക് നയിച്ചത്. ഐടി സ്‌കൂള്‍ എക്‌സി.ഡയറക്ടറായിരുന്ന അന്‍വര്‍ സാദത്തും സംരംഭത്തിന് കരുത്ത് പകര്‍ന്നു. വെറും മൂന്ന് മണിക്കൂര്‍ കൊണ്ടാണ് ബ്ലോഗിന്റെ പ്രവര്‍ത്തനം പൂര്‍ത്തിയാക്കിയത്.

പ്രവര്‍ത്തനം തുടങ്ങി മാസങ്ങള്‍ക്കകം തന്നെ അധ്യാപകരുടെയും വിദ്യാര്‍ത്ഥികളുടെയും മികച്ച പിന്തുണയാണ് ബ്ലോഗിന് ലഭിച്ചത്. വിവിധ വിഷയങ്ങള്‍ വിദ്യാര്‍ഥികളിലേക്ക് എത്തിക്കാന്‍ സഹായകമായ വര്‍ക്ക് ഷീറ്റുകളും പഠനസഹായികളും നല്‍കിയത് അധ്യാപകര്‍ക്കും വിദ്യാര്‍ഥികള്‍ക്കുമിടയില്‍ ബ്ലോഗിനെ ഒരു പോലെ പ്രിയങ്കരമാക്കി. പഠനസഹായികള്‍ സൗജന്യമായി ലഭിക്കുമെന്നതും എന്തു സംശയവും അധ്യാപകരുമായി എപ്പോള്‍ വേണമെങ്കിലും ചര്‍ച്ച ചെയ്യാം എന്നതും മാത്‌സ് ബ്ലോഗിനെ വിദ്യാര്‍ഥികളുടെ പ്രിയ ബ്ലോഗാക്കി മാറ്റുകയും ചെയ്തു.

ഇത് കണക്കിനു പുറത്തുള്ള വിഷയങ്ങളും ബ്ലോഗില്‍ ചര്‍ച്ച ചെയ്യണമെന്ന് തോന്നല്‍ ഇരുവര്‍ക്കിടയിലുമുണ്ടാക്കി. അങ്ങനെ പഠന സംബന്ധിയായ മറ്റു വിഷയങ്ങളും ബ്ലോഗില്‍ ചര്‍ച്ച ചെയ്തു തുടങ്ങി. വിദ്യാഭ്യാസ സംബന്ധിയായ ഏതൊരുവിഷയത്തിന്റെയും ചര്‍ച്ചാ വേദിയാണ് ഇന്ന് മാത്‌സ് ബ്ലോഗ്.

കഴിഞ്ഞ എസ്.എസ്.എല്‍.സി പരീക്ഷക്കാലത്ത് എല്ലാ വിഷയങ്ങളുമായി ബന്ധപ്പെട്ട പഠനസഹായികള്‍ അധ്യാപകര്‍ തന്നെ തയാറാക്കി ബ്‌ളോഗ് വഴി ലഭ്യമാക്കിയിരുന്നു.ഈ സമയത്ത് ബ്ലോഗിലെ സന്ദര്‍ശനങ്ങളുടെ ശരാശരി എണ്ണം പത്തു ലക്ഷത്തിനും മുകളിലായിരുന്നു. സര്‍ക്കാര്‍ ഉത്തരവുകളും സര്‍ക്കുലറുകളും പ്രസിദ്ധീകരിക്കുകയും, അധ്യാപകരുടെ ശമ്പളവും മറ്റ് സര്‍വീസ് കാര്യങ്ങളും കൈകാര്യം ചെയ്യുന്നതിനു പുറമേ വിദ്യാഭ്യാസ വകുപ്പുമായി ബന്ധപ്പെട്ട സര്‍ക്കുലറുകളും നിര്‍ദേശങ്ങളും, അധ്യാപകരും വിദ്യാര്‍ഥികളും കാലികമായി നേരിടുന്ന പ്രതിസന്ധികള്‍ക്കുള്ള പരിഹാര നിര്‍ദ്ദേശവും ഇപ്പോള്‍ ബ്ലോഗില്‍ ലഭ്യമാണ്.

പരീക്ഷാ ഫലങ്ങള്‍, സര്‍ക്കാര്‍ വെബ്‌സൈറ്റിലേക്കുള്ള ലിങ്കുകള്‍, ടാക്‌സ് കാല്‍ക്കുലേറ്റര്‍, സ്‌കൂള്‍ ഉച്ചഭക്ഷണ സംബന്ധമായ കാര്യങ്ങള്‍, ശാസ്ത്ര വിഷയങ്ങളിലുള്ള പുരോഗമനപരമായ ചര്‍ച്ചകള്‍, മാതൃകാ ചോദ്യപേപ്പറുകള്‍, സോഫ്റ്റ്‌വെയര്‍ ചര്‍ച്ചകള്‍, മികവുകള്‍ പരിചയപ്പെടുത്തല്‍, കലാരചനകള്‍ പങ്കുവെക്കല്‍, ആനുകാലിക വാര്‍ത്താധിഷ്ഠിത ചര്‍ച്ചകള്‍, പുസ്തകങ്ങളെ പരിചയപ്പെടുത്തല്‍ എന്നിവയും ബ്ലോഗില്‍ കാണാം. കൂടാതെ അധ്യാപനമേഖലയില്‍ നടപ്പില്‍ വരുന്ന പുതിയ പരിഷ്‌കാരങ്ങളേയും മറ്റുമുള്ള ഗൗരവമാര്‍ന്ന ചര്‍ച്ചകകള്‍ക്കുള്ള വേദി കൂടിയാണിത്.

ദിവസവും അപ്‌ഡേറ്റ് ചെയ്യുന്നു എന്നതാണ് മറ്റൊരു പ്രത്യേകത. രണ്ടു പേര്‍ തുടങ്ങിയ ഈ സംരംഭം ഇന്ന് ലക്ഷം അധ്യാപകരുടെയും വിദ്യാര്‍ത്ഥികളുടെയും കൂടി കൂട്ടായ്മയാണ്. സംസ്ഥാനത്തെ വിവിധ സ്‌കൂളുകളില്‍ നിന്നുള്ള അധ്യാപകരായ പി.എ ജോണ്‍, എന്‍.എം വിജയന്‍, മുരളീകൃഷ്ണന്‍, മുരളീധരന്‍, എസ്.ലളിത, വി.എസ് സത്യഭാമ, ഷെമി എ, ശങ്കരന്‍ കേളോത്ത്, രാമനുണ്ണി, എം.എ രവി, നിഥിന്‍ ജോസ്, സി.എം ജനാര്‍ദ്ദനന്‍ എന്നിവരും ഇപ്പോള്‍ ബ്ലോഗിനു പിന്നില്‍ പ്രവര്‍ത്തിക്കുന്നുണ്ട്. മാത്‌സ് ബ്ലോഗ് സന്ദര്‍ശിക്കാന്‍: ംംം.ാമവേയെഹീഴ.ശി

ചന്രിക  ദിനപ്പത്രം  04-09+2013